माझे सासर पंढरी ||
आहे मुळा-मुठेच्या तीरी,
बाप आणि आई, माझे मामा अन सासुबाई,
माझे सासर पंढरी ||
मेव्हणा राहे एकमेव बंधु,
सख्या बंधुंस विसरणीस टांगू,
माझे सासर पंढरी ||
माझ्या बहिणी मेव्हण्या, नाही त्या मज पाहुण्या,
माझे सासर पंढरी ||
फेकुनी जन्मदात्यांस वीट, सासुरवाडीचा मी पुंडलीक,
माझे सासर पंढरी ||
भार्येचरणी मी शरण, ना काढी मी माहेरची आठवण,
माझे सासर पंढरी ||
सणसुद, शनि-एतवारी, न चुके सासुरवाडीची वारी,
माझे सासर पंढरी ||
होऊन कणाहीन पडीन, पण सासुरवाडीस राहीन,
माझे सासर पंढरी ||
- रचना २४/०६/२०२०
No comments:
Post a Comment